Öncə Pelosi, indi Lavrov: Rusiya təyyarəsi Asiyaya doğru uçur

Rusiya Xarici İşlər Nazirliyinin sözçüsü Mariya Zaxarova ABŞ Nümayəndələr Palatasının sədri Nensi Pelosinin Tayvana səfəri fonunda xarici işlər naziri Sergey Lavrovun Asiyaya uçmaq niyyətində olduğunu açıqlayıb.

Publika.az xəbər verir ki, bu barədə o, "Telegram" kanalında yazıb.

Zaxarova vurğulayıb ki, Lavrovun səfərinin məqsədi təxribat deyil, əməkdaşlıq qurmaq istəyidir:

“Lavrovun olduğu təyyarə Asiyaya doğru yola düşür. Myanmaya səfər və Kambocada Rusiya-ASEAN tədbirlərində iştirak. Orada indi istidir. Bütün mənalarda. Lavrovun bəxti Pelosi kimi təxribatda deyil, əməkdaşlıqdadır”.

Xatırladaq ki, bu gün göyərtəsində Nensi Pelosinin olduğu təyyarə Tayvanın hava limanına enib. Bu, Çində güclü narazılığa səbəb oldu. Pekin hesab edir ki, ABŞ bununla respublikanın suverenliyini pozur. Cümə axşamından bazar gününə kimi Tayvan ətrafındakı dənizin altı bölgəsində hərbi təlimlər keçiriləcək.

Tayvan hakimiyyəti Çinlə gərginliyin artması fonunda ölkənin ən böyük şəhərlərində bomba sığınacaqları hazırlamağa başlayıb.

Hüseyn İbadlı