MDB

Rusiyadan Gürcüstana jest - Bu qadağa ləğv edilə bilər

26 Dekabr 2022 09:50

Rusiya Gürcüstan vətəndaşları üçün viza rejimini ləğv edə bilər.

Publika.az-ın məlumatına görə, Rusiya Fedeasiyası xarici işlər nazirinin müavini Mixail Qaluzin deyib ki, şərait yarandığı təqdirdə, bu məsələ gündəmə gətirilə bilər.

"Gürcüstan vətəndaşlarının Rusiyaya səfərləri üçün viza rejiminin ləğvi perspektivlərinə gəldikdə isə biz, lazımi ilkin şərtlər yaranan kimi müsbət qərarlar qəbul ediləcəyini istisna etmirik”, - Qaluzin deyib.

Bundan əvvəl “Gürcü arzusu” partiyasının katibi Kaxa Kaladze Rusiya ilə birbaşa uçuşların bərpasını təklif edib. Belə ki, siyasətçi bildirib ki, iki ölkə arasında birbaşa aviareyslərin olmamasına baxmayaraq, ruslar hələ də sakit şəkildə Gürcüstana uçurlar. Bundan əlavə, Tbilisi meri xatırladıb ki, Rusiyada bir milyona yaxın Gürcüstan vətəndaşı yaşayır.

İki ölkə arasında birbaşa uçuşlar 2019-cu ilin iyununda Gürcüstanda anti-Rusiya etirazları fonunda ləğv edilib.