Bu mənzillərin qiyməti iki dəfə ucuzlaşdı

Moskvada kvadrat metri 900 min rubl və ya daha çox olan lüks mənzillərin satışı son bir ildə iki dəfədən çox azalıb.

Publika.az bu barədə “RBC daşınmaz əmlak agentliklərinin” məlumatlarına istinadla xəbər verir.

“Metrium Premium” daşınmaz əmlak şirkəti aydınlaşdırıb ki, ötən il Moskvada yeni tikililərdə dəbdəbəli mənzillərə tələb bir il əvvəlki ilə müqayisədə 55% azalıb.

2021-ci ildəki 726 mənzillə müqayisədə 2022-ci ildə 324 belə mənzil satılıb. "CIAN analytics" (daşınmaz əmlak bazarının analitik xidməti) nəzərdən keçirilən dövr ərzində tələbin 19% azaldığını qeyd edib.

RBC-yə müsahibə verən ekspertlər yeni tikililərdə dəbdəbəli mənzillərin satışının azalmasını gözlənilən adlandırıblar. Onların sözlərinə görə, bir çox alıcı gözləmə mövqeyi tutaraq, mənzil alışını təxirə salmaq qərarına gəlib. Həmçinin, bir çoxları mövcud vəziyyət fonunda başqa ölkələrə köçüblər. Bundan əlavə, bir sıra ruslar diqqətlərini hazır dəbdəbəli mənzil almağa, yəni təkrar bazara yönəldiblər.

Daha əvvəl xəbər verildiyi kimi, dekabrda Moskvada yeni tikililərdə 70,4 min mənzil satışa çıxarılıb.

Ayşən