"Ekzit-pol" Qazaxıstanda keçirilən seçkilərin nəticələrini açıqladı - YENİLƏNDİ

Qazaxıstanda keçirilən seçkilərdə hakim “Amanat” partiyası 53,46% səs toplayır, ümumilikdə 7 iştirakçı siyasi qüvvədən 6-sı parlamentə gedir.

Publika.az xəbər verir ki, bunu Avrasiya İnteqrasiya İnstitutunun keçirdiyi “Exit-poll”un məlumatları sübut edir.

Qeyd olunub ki, Qazaxıstan “Xalq” Partiyası 6,25%, “Ak Jol” (“İşıqlı yol”) Demokratik Partiyası - 7,87%, “Aul” (“Kənd”) partiyası - 10,52%, sahibkarlar qrupunun yaratdığı “Respublika” partiyası 8,9% səs toplayıb.

Həmçinin ilk dəfə olaraq müxalifətdə olan “Milli Sosial Demokrat” Partiyası 5,31% səslə parlamentə daxil ola bilər. Qazaxıstanın Yaşıllar Partiyası “Baytak” 3,22% səs toplayaraq tələb olunan 5%-lik baryeri keçə bilmir. Sorğuda 30 min adam iştirak edib.

xxx

19:49

Qazaxıstanda parlamentin aşağı palatası və yerli məclislərin deputatlarının növbədənkənar seçkilərində bütün ölkə üzrə səsvermə başa çatıb.

Publika.az xəbər verir ki, ilk “exit-poll” nəticələri xüsusi onlayn marafon zamanı gecə yarısından sonra elan ediləcək.

Ümumilikdə, respublikada 10 mindən çox seçki məntəqəsi prosesə cəb edilib.

Daha 77 məntəqə 62 ölkədə təşkil olunub. Ölkənin 15 rayonunda seçici fəallığı 54,09 faiz olub.

xxx

08:13

Qazaxıstanda parlamentə və yerli nümayəndəlik orqanlarına seçkilər başlayıb.

Publika.az xəbər verir ki, seçki məntəqələrində yerli vaxtla saat 7:00-da başlayan səsvermə yerli vaxtla saat 20:00-da başa çatacaq.

Saat 20:00-dan sonra səslərin hesablanması proseduruna başlanacaq. Bu il səslərin hesablanması proseduru həmişəkindən daha uzun olacaq. Bu, bülletenlərin daha çox olması ilə bağlıdır.

Bəzi ölkələrdə saat qurşağına görə səsvermə Qazaxıstandan daha tez başlayıb.