MDB

Rusların poliqonuna zərbə: 60-dan çox ölü var - ANBAAN VİDEO

22 Fevral 2024 12:06

Ukrayna tərəfi Xerson vilayətində Dnepr çayının sol sahilində Rusiya poliqonunu vurub. Endirilən zərbə zamanı azı 60-a qədər döyüşçü məhv edilib.

Publika.az xəbər verir ki, bu barədə “Cənub” Əməliyyat Komandanlığının mətbuat mərkəzinin rəhbəri Natalya Qumenyuk məlumat verib.

“Əslində, videodan aydın görünürdü ki, hücum qrupları məşq edir. Onlar hərəkətlərinin uyğunluğunu müəyyən etməyə çalışırdılar. Biz hər şeyi koordinasiya etmişik, səmərəli oldu”, - o qeyd edib.

Qumenyukun sözlərinə görə, ukraynalı əsgərlər əllərində olan bütün silah və gücdən istifadə edirlər: “Ən azı 60-a qədər işğalçı mütləq döyüş mövqelərinə qayıtmayacaq və biz hələ də digər məlumatları araşdırırıq”.

Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov da bildirib ki, zərbə nəticəsində Rusiya 60-dan çox hərbçi itirib.