Putin Trampı belə TƏBRİK ETDİ: "İndi nə olacağını bilmirəm"

Rusiya Prezidenti Vladimir Putin "Valday" Beynəlxalq Diskussiya Klubunun iclasında Donald Trampı ABŞ prezidenti seçilməsi münasibətilə təbrik edib.

Publika.az xəbər verir ki, tədbir Kremlin rəsmi saytı tərəfindən yayımlanıb.

"Fürsətdən istifadə edərək, onu Amerika Birləşmiş Ştatlarının Prezidenti seçilməsi münasibətilə təbrik etmək istərdim. Mən artıq demişəm ki, biz Amerika xalqının etibar edəcəyi istənilən dövlət başçısı ilə işləyəcəyik”, - Putin bildirib.

O xatırladıb ki, Tramp prezident kimi ilk müddətində hər tərəfdən təqiblərə məruz qalıb və o, sola və ya sağa bir addım atıb əlavə söz deməkdən qorxur. Bu baxımdan Rusiya lideri indi nə olacağını və Trampın nə edəcəyini bilmir.

ABŞ-da prezident seçkiləri noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi.

Trampın ən azı 295 səs qazandığını bildirilib. Harris artıq məğlubiyyətini etiraf edib.

ABŞ-ın 47-ci prezidentinin andiçmə mərasimi 2025-ci il yanvarın 20-də baş tutacaq.

Hüseyn İbadlı