Putinin bu ölkəyə hədiyyə etdiyi pişik öldü - FOTO

Rusiya prezidenti Vladimir Putinin Yaponiyanın şimal-şərqindəki Akita prefekturasının qubernatoruna hədiyyə etdiyi Mir adlı pişik ölüb.

Publika.az xəbər verir ki, Akita ştatının qubernatorluğunun açıqlamasına görə, Putinin 2013-cü ildə qubernator Satake Norihisaya hədiyyə olaraq göndərdiyi Sibir pişiyi ölüb.

Yaponiyada hər il "22 Fevral Milli Pişik Günü"ndə Mirin fotoları sosial mediada yayımlanırdı. Mavi gözləri və boz tükü ilə bütün ölkədə “Putinin hədiyyəsi” kimi tanınan pişiyə rusca sülh mənasını verən “Mir” adı verilib.

Qeyd edək ki, qubernatorluq 2011-ci ildə Yaponiyada baş verən zəlzələdən sonra Rusiyanın bölgəyə dəstəyini nəzərə alaraq, itlərə sevgisi ilə tanınan Putinə "Akita" iti hədiyyə edib. Yume (yuxu) adlı dişi it 2012-ci ildə Rusiya lideri vəzifəyə gələndə Akita ştatının administrasiyası tərəfindən Putinə göndərilib.

2022-ci ilin martından sonra Rusiya-Ukrayna böhranı başlayanda Satake demişdi ki, Rusiya liderindən fərqli olaraq, Mir çox mehriban və mülayim idi.

Aysel Şahmar