Yeni qayda hazırlanır: Bundan sonra yollarda onlar da şütüyəcəklər

Rusiyada yol istifadəçiləri kimi çatdırılma robotlarının statusunun qanunvericiliklə təsdiqlənməsi hazırlanır.

Publika.az xəbər verir ki, müvafiq düzəlişlər İqtisadiyyat Nazirliyi tərəfindən “Yandex” şirkəti ilə birlikdə eksperimental hüquqi rejim çərçivəsində hazırlanır.

“Avtopotok” teleqram kanalının məlumatına görə, layihəyə əsasən, avtomatlaşdırılmış kuryerlər səkilərdə və velosiped yollarında hərəkət etmək hüququna malik olacaq, lakin onların sürəti 25 km/saatla məhdudlaşdırılacaq. İdentifikasiya və nəzarət üçün hər bir cihaz fərdi nömrə və QR kodla təchiz olunub ki, bu da pozuntuların qeydə alınmasını asanlaşdıracaq.

Yəqin ki, əsas yenilik robot kuryerlərin 500 min rubl məbləğində icbari sığortası olacaq ki, bu da piyadalara və ya əmlaka dəyən mümkün zərəri kompensasiya edəcək.

Təcrübənin məqsədi avtonom çatdırılma sistemlərinin istifadəsini sadələşdirmək və riskləri minimuma endirməkdir. Tədbirlər səmərəli olarsa, onlar ölkənin digər bölgələrinə də yayıla bilər.

Tural