Xankəndiyə gələn Mixail Qusman vəzifəsindən AZAD EDİLDİ

Mixail Qusman TASS-ın baş direktorunun birinci müavini vəzifəsindən azad edilib.

Publika.az TASS-a istinadla xəbər verir ki, müvafiq sərəncamı Rusiyanın Baş naziri Mixail Mişustin imzalayıb.

75 yaşlı Mixail Qusman 30 ilə yaxın TASS strukturlarında işləyib. 2000-ci ildən “Formula of Power” teleserialının müəllifi və aparıcısıdır. Rusiya Federasiyasının əməkdar mədəniyyət işçisi (2001) və Rusiya Federasiyasının əməkdar jurnalistidir (2018).

Qusman YUNESKO-nun Rabitə üzrə Beynəlxalq Proqramının Rusiya Komitəsinə rəhbərlik edir, UNESCO-nun İnformasiya və Kommunikasiya üzrə Hökumətlərarası Şurasının (IPDC) və Rusiya Federasiyasının YUNESKO üzrə Komissiyasının üzvüdür.

Ehtimal edilir ki, sərəncam onun Rusiya Federasiyasında isterikaya səbəb olan Xankəndində keçirilən “Rəqəmsal keçidlər: Süni intellekt dövründə informasiya və media dayanıqlılığının gücləndirilməsi” mövzusunda III Şuşa Qlobal Media Forumu iştirakı ilə bağlı ola bilər.

Xatırladaq ki, 19-21 iyul tarixlərində keçirilən III Şuşa Qlobal Media Forumunda 52 ölkədən 140-a yaxın xarici qonaq, o cümlədən 30-dan çox informasiya agentliyinin, 7 beynəlxalq təşkilatın, 80-ə yaxın media strukturunun, eləcə də digər ixtisaslaşmış qurumların nümayəndələri iştirak edib.

Hüseyn İbadlı