Evdə doğduğu körpəni zibilliyə atıb öldürən ana həbs edilmədi

Rusiyada baş vermiş dəhşətli cinayət hadisəsi ilə bağlı maraqlı məlumat yayılıb.

Publika.az Krasnoyarsk Vilayət Məhkəmələrinin Birləşmiş Mətbuat Xidmətinə istinadən xəbər verir ki, Krasnoyarsk məhkəməsi doğuşdan dərhal sonra körpəsini vəhşicəsinə qətlə yetirmiş qadına hökm oxuyub.

Belə ki, qatil ana-16 yaşlı qız 22 həftəlik hamiləlik dövründə olub. O, körpəni evdə özü dünyaya gətirib və dərhal uşağı plastik torbaya bükərək zibil qutusuna atıb. Yoldan keçənlər sonradan körpəni tapsalar da, onu xilas edə bilməyiblər. Qız özü isə daxili qanaxma diaqnozu ilə xəstəxanaya yerləşdirilib. Yalnız bundan sonra həkimlər onun bir gün əvvəl doğuş həyata keçirdiyini aşkar ediblər və polisə müraciət ediblər.

Nəticədə yetkinlik yaşına çatmayan qıza qarşı cinayət işi açılıb, onun xüsusi məktəbdə oxuduğu da məlum olub. Maraqlıdır ki, qızın ətrafında olanlardan heç kim hamiləlik əlamətləri hiss etməyibmiş.

Məhkəmənin yaydığı məlumatda qeyd edilir ki, qızı cinayət məsuliyyətindən azad edilib. Ona psixiatriya müəssisəsində məcburi müalicə təyin edilib. Qərar hələlik qanuni qüvvəyə minməyib.

Tural