MDB

Ukrayna nümayəndə heyəti danışıqlar aparmaq üçün ABŞ-a gəldi

30 Noyabr 2025 09:51

Ukrayna Prezidenti Vladimir Zelenski yaxın gələcəkdə ölkəsindəki münaqişənin həlli üçün atılacaq addımları müəyyən etmək məqsədilə Ukrayna nümayəndə heyətinin ABŞ-a gəldiyini elan edib.

Publika.az xəbər verir ki, o, bu barədə Telegram kanalında yazıb.

Xatırladaq ki, siyasətçi bundan əvvəl Ukrayna nümayəndə heyətinin Cenevrə razılaşmaları əsasında münaqişənin həlli ilə bağlı dialoqu davam etdirəcəyini bildirmişdi. Ukrayna lideri qeyd edib ki, Amerika tərəfinin yanaşması konstruktiv, diplomatiya məsələləri isə aktiv olaraq qalır.

Zelenski vurğulayıb ki, yaxın günlərdə müharibəni necə ləyaqətlə başa çatdırmağı müəyyən etmək üçün atılacaq konkret addımları dəqiqləşdirmək mümkün ola bilər.

Ukrayna dövlət başçısı onu da əlavə edib ki, nümayəndə heyəti üzvləri lazımi təlimatlar alıblar. Zelenski nümayəndə heyətinin ölkənin prioritetlərinə uyğun işləyəcəyinə ümid edir.

Tural