Moskvaya uçan təyyarə buna görə fəlakət siqnalı verib - YENİLƏNDİ

Dubaydan Moskvaya uçan "UTair" təyyarəsi mühərrik titrəməsi səbəbindən uçuş hava limanına qayıdıb.

Publika.az xəbər verir ki, bu barədə Nəqliyyata Nəzarət Federal Xidməti (Rostransnadzor) "Telegram"da məlumat yayıb.

""UTair Airlines" şirkətinə məxsus "Boeing 767-200" (qeydiyyat nömrəsi 73081) təyyarəsi Dubaydan Moskvaya UTA716 reysi ilə uçurdu. Uçuş zamanı heyət 2 nömrəli enerji blokunda titrəmələr aşkar etdi və bu da təyyarənin uçuş hava limanına qaytarılması qərarına səbəb oldu", - deyə açıqlamada bildirilir.

xxx

18:48

Dubaydan Moskvaya uçan "UTair" təyyarəsi qəza siqnalı verib və yanacağı yandırmaq üçün bir saatdır ki, dövrə vurub.

Publika.az xəbər verir ki, hazırda minlərlə "Flightradar" istifadəçisi onun uçuşunu izləyir.

"Boeing 767-224" (UT 716 reysi) Əl-Maktum hava limanından yola düşüb və Moskva vaxtı ilə saat 21:15-də Vnukovo hava limanına enməli idi. Lakin havaya qalxdıqdan qısa müddət sonra heyət "7700" təcili yardım kodunu ötürüb.

Təyyarənin təhlükəsiz enişi üçün yanacağın tükənməsi lazımdır.

Hüseyn İbadlı