Putin Kremlə çağırıb barışdırdı: Kadırovla Süleymanov qan düşmənliyinə son qoydu - Video

Çeçenistan lideri Ramzan Kadırovla Dağıstandan olan senatoru Süleyman Kərimov arasındakı münaqişə həll olunub.

Publika.az xəbər verir ki, onlar Rusiya Prezidenti Vladimir Putinin dəvəti ilə Moskvada barışıblar.

Bunu Baş müfti və Müsəlmanlar Ruhani İdarəsinin sədri Şeyx Ravil Qaynutdin Ramazan bayramı öncəsi dindarlara video müraciətində açıqlayıb.

İki Qafqaz respublikasının liderləri arasında açıq düşmənçilik 2024-cü ilin payızından bəri davam edirdi. O vaxt Kadırov Kərimovu ona qarşı sui-qəsd hazırlamaqda ittiham etmiş və açıq şəkildə qanlı düşmənçilikdən danışmışdı.

Ravil Qaynutdin xatırladıb ki, dövlət başçısının sərəncamı ilə 2026-cı il Rusiya Xalqlarının Birliyi İli elan edilib.

“Qürurla deyə bilərik ki, Rusiya cəmiyyətimizdə yüksək səviyyədə birlik və qardaşlıq nümunəsi göstərən ilk insanlar müsəlman ümmətimizin nümayəndələri olub.

Bunu Qafqazımızın iki layiqli oğlu - əziz qardaşlarımız Ramzan Axmatoviç Kadırov və Süleyman Abusaidoviç Kərimov həyata keçirdi. Prezidentimizin dəvəti ilə Moskva Kremlinin divarları içərisində olarkən onlar tam razılığa və qarşılıqlı anlaşmaya nail oldular”, - deyə baş müfti bildirib.

Tural