Suverenlik kodu: Medvedev Rusiya elitasına sirli mesaj göndərdi

"Vahid Rusiya" partiyasının sədri və Rusiya Təhlükəsizlik Şurasının sədr müavini Dmitri Medvedev siyasi qüvvənin Dövlət Duması seçkilərinə aparacağı yeni milli inkişaf strategiyasının formalaşmasının başlandığını elan etdi.

Publika.az xəbər verir ki, "Rusiya dövlətçiliyinin əsasları" kursunun məzunlarına müraciətində o, mövcud qarşıdurmanın əsas mənasını müstəqil yol hüququ uğrunda mübarizə kimi müəyyən edib.

Siyasətçinin sözlərinə görə, bu gün Rusiya hərbçiləri "müstəqil xarici siyasət və daxili siyasətdə muxtariyyət" uğrunda mübarizə aparırlar.

Medvedev “Max” messenger tətbiqində paylaşdığı videoda vurğulayıb:

“Bu gün hərbçilərimizin mübarizə apardığı suverenlik məhz budur".

O qeyd edib ki, 2021-ci ildə qəbul edilmiş əvvəlki "Xalq Proqramı" artıq praktik olaraq həyata keçirilib. Bu, təşkilat rəhbərliyinə yeni fundamental sənədin hazırlanmasına başlamağa imkan verib. Təhlükəsizlik Şurasının sədr müavini bildirib ki, partiya sentyabr ayında Dövlət Dumasına seçkilərə aparacağı yeni Xalq Proqramının hazırlanmasına başlayıb.

Dmitri Medvedev dövlətin "idarəetmə nüvəsi" daxilində aparıcı Rusiya şirkətlərinin nümayəndələrini yenilənmiş kursun hazırlanmasında iştirak etməyə dəvət edib. O, proqramın milli prioritetlərə və yeni çağırışlara uyğunlaşdırılacağını deyib.

Tural