Zelenski ilə aramızda "dərin uçurum" var - Zalujnı

Mənimlə Vladimir Zelenski arasında 2022-ci ildə pik həddə çatan dərin uçurum yaranmışdı.

Publika.az "Associated Press"ə istinadən xəbər verir ki, bunu Ukrayna Silahlı Qüvvələrinin keçmiş baş komandanı və Ukraynanın Böyük Britaniyadakı səfiri Valeri Zalujnı deyib.

Generalın sözlərinə görə, hərbi münaqişənin başlanğıcından bəri prezidentlə ölkəni ən yaxşı şəkildə necə müdafiə etmək barədə daim mübahisə ediblər. Və 2022-ci il sentyabr ayında Ukrayna Təhlükəsizlik Xidmətinin əməkdaşları qondarma bəhanə ilə axtarışlar aparmaq üçün onun evinə gəliblər.

Məlumata görə, Zelenskinin görüşündən sonra onlarla təhlükəsizlik işçisi Zalujnının ofisinə gəlib. Həmin görüşdə onlarla Britaniya zabiti iştirak edib. Lakin SBU zabitləri nə axtardıqlarını deməyiblər.

Keçmiş baş komandan sonradan öyrənib ki, hərbi əməliyyatlar başlamazdan əvvəl Təhlükəsizlik Xidmətinə həmin ünvanda yerləşən striptiz klubuna qarşı axtarış orderi verilib. Zalujnının sözlərinə görə, bu, səhv deyil, uydurma bir bəhanə olub.

Adəm