Yaxın Şərq
Düşmən sərhəd xəttinə raket yerləşdirir - BİR NEÇƏ GÜNƏ ən az itki ilə...
Türkiyə Silahlı Qüvvələri (TSQ) və Azad Suriya Ordusunun (ASO) Münbiçi terrorçulardan təmizləmə hərəkatının hazırlıqları tamamlanıb.
Publika.az xəbər verir ki, Afrin, Azez, Cerablus, Əl Bab və Maredən gələn ASO savaşçılarının sayı 13 minə çatıb.
Türkiyənin isə bölgəyə əsgər, avtomobil və silah-sursat göndərmə prosesi davam edir. Ulaşlı, Xalisə, Şeyx Nasir xəttindən başlayacaq hərbi əməliyyat cənub sərhədini əhatə edərək öncə Münbçinin mərkəzinə, daha sonra Əbu Qalqal, Sət Tişrin üzərindən Qaraqozaq bölgəsinə uzanacaq.
ASO ƏMR GÖZLƏYİR
ASO-nin mətbuat katibi Yusif Həmid birliklərinin Türkiyənin təyin etdiyi plan çərçivəsində Münbiçə daxil olacağını, hədəfin 5 min km-lik Münbiçi terroçulardan təmizləmək olduğunu açıqlayıb. O qeyd edib ki, Münbiçin bir və ikinci cəbhələrində olan PKK liderləri komandalarını orada qoyaraq qaçıblar.
Mətbuat katibi ABŞ-ın İŞİD-lə mübarizə üzrə xüsusi təmsilçisi Bred Makqarkın ölkəni tərk etməsindən sonra PKK-nın köməksiz, istiqamətsiz qaldığını deyib:
“Münbiç 2016-cı ilin avqust ayında “İŞİD-dən təmizlənir” görüntüsü altında bir digər terror təşkilatı olan PKK-ya verildi. ABŞ uzun müddət minlərlə şəhər sakinini pis vəziyyətdə qoyan işğal mövzusunda təxirə salma istiqamətində irəlilədi. Ancaq bu proses başa çatdı və geridönüşü olmayan proses başladı. II Ordu və Həmzə Tuqay da əlavə qüvvə olaraq bölgəyə göndərilib. Digər hərbi qruplara da hazır olmaq çağırışı edildi. ASO türk qardaşları ilə birgə sərhəddə mövqeyini bərkitdi və yalnız “girin” əmrini gözləyir. Əsəd rejimi PKK-nın zəifliyi və Türkiyənin diplomatik uğurunu fürsətə çevirmək niyyətindədir. Bir neçə nöqtədən hücum cəhdi edildi, amma uğursuz oldu. Əsəd ilə PKK arasındakı bütün ehtimalları yox edəcəyik”.
BİR NEÇƏ GÜNƏ BİTƏCƏK
ASO sözçüsü hərəkatın tarixinə dair də açıqlamalar verib:
“Münbiç hərəkatı ASO və TSQ tərəfindən gerçəkləşdiriləcək. Başqa hər hansı bir qüvvə olmayacaq. PKK bütün gücünü ABŞ-dan alırdı. Pentaqonun çəkilməsi ilə onsuz da, 80 faiz məğlub vəziyyətdədirlər. Xalq hamısına nifrət edir. Ərazi şəraiti və hazırlıqlarımızı hesaba qatanda Münbiç əməliyyatının bir neçə gün içində yekunlaşacağını deyə bilərik. Bu əməliyyat Fəratın şərqi mövzusunda da əhəmiyyətli addım olacaq. Bütün hərbi tədbirlər görüldü. Allahın izni ilə bu prosesi ən az itki ilə tamamlayacağıq".
MƏNGƏNƏ BAŞLANDI
ASO “Fərat qalxanı” hərəkatı ilə terrordan təmizlənən bölgələrdəki cəbhə xətlərinə hərbi birliklər göndərib.
PKK RAKETLƏRİNİ HAZIRLAYIR
PKK isə TSQ və ASO birliklərinin hücum pozisiyasına keçdiyi Münbiç, Rəsulayn və Təl Əbyad bölgələrinə raket yerləşdirir. Afrin əməliyyatında olduğu kimi terror təşkilatı təhlükəsizlik qüvvələri, xəstəxana, məktəb və bələdiyyə binalarını hədəfləyib. Təşkilatın istifadə edəcəyi silahlar isə ABŞ-a məxsusdur.
Zümrüd
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü