Yaxın Şərq

Xamenei göstəriş verdi - Cavab zərbəsinə hazır olun!

2 Fevral 2024 12:28

İranın ali dini lideri Ayətullah Əli Xamenei ABŞ-la birbaşa hərbi münaqişədən çəkinməyi əmr edib.

Publika.az xəbər verir ki, bu barədə “The New York Times” mənbələrə istinadən məlumat yayıb.

Onların sözlərinə görə, bu həftənin əvvəlində İranın Ali Milli Təhlükəsizlik Şurası fövqəladə iclas keçirib. Suriya-İordaniya sərhədindəki Tanf bölgəsində pilotsuz təyyarənin hücumu nəticəsində 3 amerikalı hərbçinin ölümündən sonra Vaşinqtonun İrana və ya onun tərəfdarlarına zərbə endirəcəyi təqdirdə Tehranın görməli olacağı tədbirlər müzakirə edilib.

Nəşr yazır ki, Xameneyi görüşün nəticələri barədə məlumat alanda o, açıq-aşkar göstərişlər verib: ABŞ-la birbaşa müharibədən çəkinmək və İranı amerikalıların ölümündə əli olan qrupların hərəkətlərindən uzaqlaşdırmaq. Qeyd olunur ki, eyni zamanda İranın dini lideri ABŞ-ın İrana hücum edəcəyi təqdirdə cavab zərbəsinə hazırlaşmağı əmr edib.