Yaxın Şərq

İsrail ordusundan Qəzzaya DƏQİQ ZƏRBƏ - Həmin şəxs məhv edildi

25 Oktyabr 2025 23:36

İsrail Müdafiə Qüvvələri (IDF) terror təhlükəsi riskini aradan qaldırmaq üçün Qəzza zolağına hədəfli zərbə endirib.

Publika.az xəbər verir ki, bu barədə İsrail Silahlı Qüvvələri öz "Telegram" kanalında məlumat yayıb.

“Bir müddət əvvəl IDF Qəzza zolağının mərkəzində yerləşən Nuseyrat bölgəsində dəqiq zərbə endirərək, İsrail hərbçilərinə qarşı dərhal terror aktı planlaşdıran terror təşkilatının üzvünü zərərsizləşdirdi”, – deyə açıqlamada bildirilir.

Eyni zamanda vurğulanıb ki, İsrail daha əvvəl əldə olunmuş atəşkəs rejiminə riayət etməyə davam edir.

Oktyabrın 23-də ABŞ Prezidenti Donald Tramp "Time" jurnalına verdiyi müsahibədə Qəzzaya səfərini elan edib və İsrailə İordan çayının qərb sahilinin mümkün anneksiyası ilə bağlı xəbərdarlıq edib. Tramp qeyd edib ki, onun prezidentliyi dövründə Yaxın Şərq heç vaxt bu qədər birlik içində olmayıb.

Hüseyn İbadlı