İran ABŞ-a xəbərdarlıq etdi - Tammiqyaslı müharibə təhlükəsi var

Xəbər verdiyimiz kimi, ABŞ İranla qarşıdurma fonunda Yaxın Şərqdə hərbi təlimlərə başlayacağını bildirib.

Publika.az "Daily Mail" qəzetinə istinadən xəbər verir ki, növbəti məlumat İrandan gəlib.

Nəşr yazır ki, İslam Respublikası ABŞ-ın mümkün hücumu təhlükəsi ilə əlaqədar yüksək hazırlıq vəziyyətindədir. ABŞ prezidenti Donald Trampın İran sahillərinə "daha bir möhtəşəm armada" göndərdiyini elan etməsindən sonra gərginlik kəskin şəkildə artıb.

Bu açıqlama İran hakimiyyətinin etirazları amansızcasına yatırdığına dair ittihamlar fonunda səsləndirilib.

Hərbi təhdid, nüvə enerjisi ilə işləyən "USS Abraham Linkoln" təyyarədaşıyan gəmisinin rəhbərlik etdiyi ABŞ Hərbi Dəniz Qüvvələrinin zərbə qrupunun bölgəyə yerləşdirilməsi ilə konkret forma alıb. Qrup Mərkəzi Komandanlığın məsuliyyət zonasına daxil olub ki, bu da ABŞ-ın Yaxın Şərqdə sürətli reaksiya üçün əməliyyat imkanlarını əhəmiyyətli dərəcədə artırıb.

Qeyd olunur ki, İran artıq hər hansı bir hücumun tammiqyaslı müharibənin başlanğıcı kimi qəbul ediləcəyini bildirib. İranın yüksək vəzifəli rəsmisi xəbərdarlıq edib ki, ölkə suverenliyinin hər hansı bir pozulmasına sərt cavab verəcək.

Adəm