Qalibaf Trampı məsxərəyə qoydu: Növbəti dayanacaq 140 dollardır

İran parlamentinin spikeri və danışıqlar qrupunun rəhbəri Məhəmməd Baqer Qalibaf ABŞ prezidenti Donald Trampın İrana qarşı tətbiq etdiyi "blokada" siyasətini sərt şəkildə tənqid edərək onu ələ salıb.

Publika.az CNN-ə istinadla xəbər verir ki, Qalibaf Vaşinqtonun neft bazarlarındakı uğursuzluğunu "faydasız məsləhətlərin" nəticəsi adlandırıb.

Spikerin sözlərinə görə, ABŞ-ın Hörmüz boğazını blokadaya almaq cəhdləri neftin qiymətinin bir barel üçün 120 dollaradək yüksəlməsinə səbəb olub. O, bu vəziyyətin Tramp administrasiyasına maliyyə naziri Skott Bessent kimi şəxslər tərəfindən verilən yanlış tövsiyələr ucbatından yarandığını vurğulayıb.

"Növbəti dayanacaq 140 dollardır. Blokada ilə bağlı problem nəzəriyyədə deyil, düşüncə tərzindədir", - deyə Qalibaf qeyd edib.

İranlı spiker, həmçinin Trampın keçən həftəsonu səsləndirdiyi "yaxın gələcəkdə neft bolluğunun İranın enerji infrastrukturuna düzəlməz zərər vuracağı" barədə proqnozunu məsxərəyə qoyub. O, ABŞ-ın enerji siyasətinin reallıqdan uzaq olduğunu bildirib.

Müəllif: Adəm