Qəzzada əməliyyatlar bərpa olunur?

Baş nazir Binyamin Netanyahunun rəhbərlik etdiyi İsrailin Təhlükəsizlik Kabineti bazar günü Qəzza zolağında hərbi əməliyyatların mümkün bərpasını nəzərdən keçirmək üçün iclas keçirəcək.

Publika.az-ın İsrailin "Kan" telekanalına istinadən məlumatına görə, müzakirələr HƏMAS-ın tərksilah edilməsi və anklavın silahsızlaşdırılması ilə bağlı danışıqlarda çıxılmaz vəziyyətin yaranması fonunda keçiriləcək.

"HƏMAS tərksilah müqavilələrini yerinə yetirmir. Biz vasitəçilərlə əlaqə saxlayırıq", - İsrail rəsmisi telekanala bildirib.

"Sülh Şurası"nın yüksək vəzifəli rəsmisi Nikolay Mladenov bir neçə həftədir ki, Fələstin HƏMAS hərəkatının rəhbərliyi ilə məsləhətləşmələr aparır və ötən ayın əvvəlində hərəkatın şuranın bütün silahlarını tədricən təhvil vermək təklifini qəbul etməsi üçün 11 apreli son tarix kimi müəyyən edib.

Ayrı-ayrı detalları mətbuata sızdırılan plana əsasən, proses səkkiz ay müddətinə nəzərdə tutulub və birinci mərhələdə HƏMAS-ın 90 gün ərzində ağır silah və tunel infrastrukturu sxemlərinin ötürülməsini nəzərdə tutur.