Yaxın Şərq

“Azadlıq layihəsi” missiyası da yarımçıq qaldı

6 May 2026 04:14

ABŞ İranla danışıqlar başa çatana qədər gəmilərin Hörmüz boğazından keçirilməsini dayandıracaq.

Publika.az xəbər verir ki, bu barədə Amerika Prezidenti Donald Tramp “Truth Social” sosial şəbəkəsində məlumat verib.

Ağ Ev rəhbəri bildirib ki, tərəflər blokada tam qüvvədə qaldığı müddətdə “Azadlıq layihəsi” missiyasının icrasının qısa müddətə dayandırılması barədə qarşılıqlı razılığa gəliblər. Tramp əlavə edib ki, ABŞ bu barədə Pakistan və digər ölkələrdən müvafiq müraciət alıb.

Bundan əvvəl İslam Respublikasının ali lideri Müctəba Xamenei İranın gələcəkdə də Fars körfəzi və Hörmüz boğazını idarə etməyi planlaşdırdığını bəyan edib. Xameneinin sözlərinə görə, Tehran təhlükəsizliyi Amerikanın iştirakı olmadan təmin etmək niyyətindədir.

“Citigroup”un proqnozlarına görə, Hörmüz boğazında hərəkət daha bir ay dayandırılarsa, neftin qiyməti bir barel üçün 110 dollara qədər yüksələ bilər.

Hüseyn İbadlı