İki həftəlik müharibə ABŞ ordusuna nə qədər ziyan vurdu? - İran 20 milyard deyir

İki həftəlik döyüş əməliyyatları ərzində İran ABŞ Silahlı Qüvvələrinə 20 milyard dollardan çox ziyan vurub.

Publika.az xəbər verir ki, bu rəqəmləri "Tasnim" agentliyi İslam İnqilabı Keşikçiləri Korpusunun (SEPAH) rəsmi nümayəndəsi Hüseyn Möhibinin bəyanatına istinadən təqdim edib.

Statistik məlumatlara görə, iyulun 7-dən 31-dək olan dövrdə İran Silahlı Qüvvələri regiondakı Amerika bazalarında onlarla komandanlıq mərkəzinə, müdafiə sistemlərinə, erkən xəbərdarlıq radarlarına, rabitə mərkəzlərinə, silah-sursat və yanacaq anbarlarına, logistika infrastrukturuna, təyyarə anqarlarına, qırıcılara, pilotsuz uçuş aparatlarına və köməkçi avadanlıqlara hücum edib.

ABŞ Müharibə Nazirliyinin büdcəsində və digər sənədlərdə dərc olunmuş bu siyahı və bəyan edilən avadanlıqla infrastrukturun təxmini dəyəri əsasında ziyan 20 milyard dollara çata bilər. ABŞ-nin maliyyə itkilərində böyük payı Amerika ordusunun hava hücumundan müdafiə sisteminin ən vacib komponentləri hesab edilən "Patriot" zenit-raket kompleksləri təşkil edir.

Qeyd olunub ki, bu rəqəm təxminidir və ABŞ Silahlı Qüvvələrinin mümkün iqtisadi və hərbi itkiləri haqqında ümumi təsəvvür yaradır.