İran İordaniyadakı ABŞ aviabazasına hücum etdi

İslam İnqilabı Keşikçiləri Korpusu (SEPAH) İordaniya ərazisində yerləşən ABŞ aviabazasına hücum edib.

Publika.az xəbər vrir ki, bu barədə İranın dövlət teleradio şirkəti (IRIB) məlumat yayıb.

"SEPAH bölmələri İordaniyadakı ABŞ Silahlı Qüvvələrinin Mərkəzi Komandanlığının aviabazasına və qərargahına bir neçə ballistik raketlə zərbə endirib", - məlumatda deyilir.

İyulun 23-də SEPAH Küveytdəki Amerika hərbi bazası "Əli əl-Salem"ə hücum edildiyini bəyan etmişdi. Hərbçilərin məlumatına görə, zərbələr pilotsuz uçuş aparatları vasitəsilə iri hərbi texnika anbarına, "Patriot" hava hücumundan müdafiə sisteminə və "MQ9" dronlarının yerləşdiyi аnqara endirilib.

İyulun 26-da İİKK-nin rəsmi nümayəndəsi general Hossein Mohebbi bildirmişdi ki, iyulun 8-dən 15-dək davam edən döyüş əməliyyatları zamanı İran Birləşmiş Ştatlara 20 milyard dollar məbləğində maddi ziyan vurub. O vurğulayıb ki, respublika onlarla komanda mərkəzinə, hava hücumundan müdaxilə sistemlərinə, erkən xəbərdarlıq radarlarına, rabitə qovşaqlarına, sursat anbarlarına, logistika obyektlərinə, aviasiya anqarlarına, qırıcılara, pilotsuz uçuş aparatlarına və köməkçi texnikaya zərbələr endirib.

Hüseyn İhbadlı