Nəqliyyat

Bölgələrdə avtobusların sayı azaldıldı - Açıqlama

29 Aprel 2020 17:38

Karantin rejimi ilə əlaqədar olaraq bölgələrdə şəhər və rayondaxili avtobusların sayı azaldılıb.

Bunu Publika.az-a açıqlamasında Dövlət Avtomobil Nəqliyyatı Xidmətinin İctimaiyyətlə əlaqələr sektorunun müdiri Nuridə Allahyarova deyib.

O bildirib ki, mövcud vəziyyətlə əlaqədar avtobuslar arasında interval da artıb: “Xüsusi karantinin gücləndirilməsinə dair NK yanında Operativ Qərargahın qərarına uyğun şəkildə şəhərlərarası daşımaların fəaliyyəti dayandırılsa da, şəhər və rayondaxili sərnişindaşıma avtobusları sərnişin axınına uyğunlaşdırılaraq xidmət göstərir. Təbii ki, karantin dövrünə qədərki dövrlə müqayisədə intervallar artıb, avtobus sayı sərnişin sayı ilə uzlaşdırılaraq azaldılıb və daşımalar icra edilir".