Rusiya mümkün müharibədə qalib gəlsə... - Ekspert

“Vəziyyətin Ukrayna üzərindən oynanılan qlobal geosiyasi bir oyun olduğuna diqqət çəkmək lazımdır. Bu prosesdə beynəlxalq münasibətlər tarixində dost-düşmən kimi çox maraqlı bir anlayış ortaya çıxıb”.

Bunu Publika.az-a açıqlamasında terror və təhlükəsizlik üzrə ekspert Abdullah Ağar deyib.

Ekspert əlavə edib ki, tərəflərdən heç biri geri addım atmır və bu, dünyanın gələcəyi üçün kritik bir prosesdir: “Yüz minlərlə insanın ölümünə səbəb ola biləcək bir müharibənin yaşanmamasını arzu edirik. Gərginliyin azaldılmasına ehtiyac var. Rusiyanın Almaniya, İngiltərə və Fransaya qapıları bağlaması ilə Türkiyənin vasitəçilik şansı artır. Belə olan halda dalana dirənmənin həll yolu olduğu düşünülə bilməz”.

A.Ağar vurğulayıb ki, Rusiyanın qlobal geoloji rəqabətdəki gücü aydınlaşdırılmalıdır: “ABŞ proksi-müharibə vasitəsilə Rusiyanı gözdən salmağa çalışır. Bunun qarşılığında isə Rusiya Ukraynanın əsas hərbi parametrlərinə və demoqrafik strukturuna qarşı çox güclü mənzərə yaradır. Digər tərəfdən, ABŞ-ın kəşfiyyatını da qiymətləndirməmək olmaz. ABŞ hələ ki, bütün kartlarını göstərməyib. Rusiya mümkün müharibədə qalib gəlsə belə, sonradan darboğaza girə bilər. Bu müharibə təkcə Ukrayna ilə məhdudlaşmır, o, kütləvi xarakter ala və daha ciddi nəticələrə səbəb ola bilər”.