Ermənistan Qarabağda bu prosesi ləngidir - Şərh

“Ermənistanın Azərbaycana mina xəritələrinin verilməsində obyektivlik etməməsi rəsmi İrəvanın Azərbaycana qarşı terror siyasətinin tərkib hissəsidir”.

Bunu Publika.az-a açıqlamasında siyasi şərhçi Məhəmməd Əsədullazadə deyib.

src="/storage/files/upload/516ac538e68c500939724feca21db97050f95051.jpg" style="width: 464px; height: 412.96px;" class="fr-fic fr-dib fr-fil">

Onun sözlərinə görə, Avropa İttifaqı və Rusiyanın vasitəçiliyi ilə proseslər başlayıb: “Amma Ermənistan yenə də bu məsələdə düşmənçiliyini davam etdirir. Bakıda keçirilən bu tədbir beynəlxalq ictimaiyyətin Ermənistanın humanitar missiyaya qarşı olduğunu göstərmək baxımından xüsusi əhəmiyyət kəsb edir.

Bu gün Ermənistan hələ də mina xəritələrini tam həcmdə Azərbaycana vermir. Minalar onlarla mülki insanın canını alır. Bu, Ermənistanın Azərbaycana qarşı davam etdirdiyi düşmənçilik siyasətidir. Bu konfransla biz Ermənistanın mina xəritələrindən siyasi məqsədlər üçün insanlıq əleyhinə cinayəti davam etdirdiyini nümayiş etdirməliyik. Çünki mina təhlükəsi qalmaqdadır və bununla keçmiş köçkünlərin öz yurdlarına getməsi ləngiyir”.