Əgər Baqratyan mitinq podiumuna çıxıbsa... - Musabəyov

“İrəvanda müxalifətin son mitinqində Ermənistanın keçmiş baş naziri Qrant Baqratyan bəyanatla çıxış edib ki, ölkəsi ümidsiz bir xəstəni xatırladır. Bu diaqnozla razılaşmamaq çətindir. Bu xəstəlik xronikidir və Ermənistanın yaxın tarixi boyunca həmişə özünü göstərməkdədir”.

Bunu Publika.az-a açıqlamasında Milli Məclisin deputatı Rasim Musabəyov deyib.

Deputat bildirib ki, Baqratyan professor tituluna sahibdir:

“Hətta onun parlament sədri və deputat kimi keçmişi olub. Buna baxmayaraq, o, adekvat və ağlabatan insan təəssüratı buraxmır. Xatırlamaq kifayətdir ki, Azərbaycanı mövcud olmayan nüvə başlığından istifadə etməklə hədələyən məhz bu adam və onun rəhbərlik etdiyi qurum olub. Ermənistan iqtisadiyyatının bərpası üçün onların təklif etdikləri “reseptlər”in, təkliflərin əksəriyyəti isə erməni mütəxəssislərin lağlağı, lətifə obyektinə çevrilib. Əgər Qrant Baqratyan etirazçıların mitinq podiumuna çıxıbsa, deməli erməni müxalifətinin hərəkətləri olduqca pis durumdadır. Eyni zamanda onların bu vəziyyəti naməhrəm bir sonluğa doğru sürüklənir”.