Nida.az
ADR istefasının arxasında duran şəxs: kimə hansı post vəd edilib? – DETALLAR
Dünən axşam saatlarında bir neçə gənc Azərbaycan Demokratiya və Rifah hərəkatından istefa verdiklərini açıqladı.
ADR hərəkatının Gənclər üzrə Təşəbbüs Qrupunun sədri Xəyyam Məmməd,
qrupun üzvləri Ceyhun Bəhramov, Vüsal İsayev, Asiman Əlili, Əfqan
Əhmədov imzaladıqları bəyanatda deyilir: “Baş verən proseslər
hərəkatın milli-ideoloji baxımdan bizim milli-ictimai baxışlarımız
ilə üst-üstə düşmədiyini göstərdi. Biz həm də öz gizli maraqlarını
güdən, bu maraqları naminə bütün çirkin oyunlara gedən məlum dünya
gücləri ilə yaxınlaşmayan, ancaq millətimizin milli-mənəvi
iradəsinə söykənən bir təşkilatda təmsil olunmaq üçün ADR-i seçdik.
Amma bunun əksinə olaraq, ADR hərəkatının açıq qərbmeylli mövqeyi
bizi bir daha düşünməyə vadar etdi. Bu səbəbdən biz elan olunmaq
mərhələsini yaşayan ADR hərəkatının iştirak, təşkilatlanma və
quruculuq prosesindən rəsmən ayrıldığımızı bəyan edirik”.
ADR Təşkilat Komitəsinin üzvü Səxavət Əlisoy
Publika.az-a açıqlamasında istefaları təkzib edib.
Onun sözlərinə görə, istefa bəyanatı bir nəfər tərəfindən yazılıb:
“Digərlərini də ora əlavə ediblər. Yəni onların adından istifadə
ediblər. İstefa verən təkcə Xəyyam Məmmədovdur. Onunla mən söhbət
etmişəm, bir qədər psixoloji çatışmazlığı var. Onun hərəkətləri
haqda söhbət açmaq istəmirəm. Ona uğurlar arzulayıram. Amma o,
bilmədiyi oyunların qurbanı oldu”.
S. Əlisoy sabah keçiriləcək təsis konfransında gənclərin də iştirak
edəcəyini deyib.
Qeyd edək ki, sabah ADR-in təsis konfransıdır. Müsavat Partiyasının
VIII qurultayının nəticələrini qəbul etməyən narazılar Qubad
İbadoğlunun rəhbərliyi altında yeni hərəkat yaradır. Hazırda ADR və
Müsavatın yeni rəhbərliyi arasında sərt mübarizə davam edir. Bu
baxımdan, təsis konfransında iki gün qalmış belə bir bəyanatın
verilməsi bunun Müsavat rəhbərliyinin hərəkata zərbə vurmaq addımı
olduğu ehtimalını gücləndirir.
Publika.az Müsavata yaxın mənbədən maraqlı faktlar
əldə edib. Məlumata görə, Xəyyam Məmmədov istefa bəyanatını
yaymamışdan öncə Müsavat Partiyasının qərargahında olub. Onun
başqan Arif Hacılının qardaşı Mustafa Hacıbəyli ilə görüşdüyü
deyilir.
“Mustafa bəy Xəyyama Müsavatın Gənclər Təşkilatının sədri postunu
vəd edib. Əvəzində Xəyyam ADR-dən istefa verməli və bunu
ictimailəşdirməli idi. Bu, Müsavatın Qubad İbadoğluya zərbəsi
olmalı idi”, - deyə mənbə vurğulayıb.
ADR üzvü Hüseyn Məlik də Publika.az-a açıqlamasında məlumatı
təsdiqləyib: “Xəyyam bir qədər yolunu tapmayan gəncdir. Onun dünən
Müsavatın qərargahında olduğu faktı dəqiqdir. Bilirik ki, Mustafa
bəy onu qəbul edib və Gənclər Təşkilatının sədri postunu vəd edib.
Çünki Müsavatda kadr məsələsinə Mustafa baxır. Kimi hara
lazımdırsa, o təyin edir. Amma Mustafa özü də bilir ki, Xəyyamdan
sədr olmaz. Sadəcə olaraq, onun gəncliyindən istifadə edərək başını
aldatdılar. Amma bu ADR-ə heç bir təsir etmir. Hərəkatımız öz
yolunu davam etdirir və sabah təsis konfransı keçiriləcək”.
Əldə etdiyimiz məlumata görə, ADR-in sabahkı konfransında Müsavatın
rayon təşkilatlarının istefası ilə nəticələnəcək müraciət
yayılacaq.
Asif Nərimanlı
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK