Nida Xəbər
Azərbaycanda 6 hakim işdən çıxarıldı
Prezidentin “Məhkəmə-hüquq sistemində islahatların dərinləşdirilməsi haqqında” 3 aprel 2019-cu il tarixli Fərmanının birinci bəndində məhkəmə hakimiyyətinə ictimai qınaqla bağlı məsələlər öz əksini tapıb.
Publika.az xəbər verir ki, bu sözləri Məhkəmə-Hüquq Şurasının aparat rəhbəri Cavid Hüseynov Ədliyyə Nazirliyinin və Məhkəmə-Hüquq Şurasının təşkilatçılığı ilə bu gün keçirilən “İnsan hüquqlarının qorunması media müstəvisində” mövzusunda görüşdə çıxışı zamanı deyib.
O bildirib ki, apreldən etibarən Məhkəmə-Hüquq Şurasında “qaynar xətt” yaradılıb və həmin ay “qaynar xətt”ə 2000-dən çox müraciət daxil olub:
“Qısa müddətdə 50-dən çox məhkəmədə monitorinq keçirilib, 100-dən çox hakimə irad məktubu göndərilib. Bəzi hallarda monitorinqlər nəticəsində ciddi pozuntulara yol verilməsinin şahidi olmuşuq. Bununla əlaqədar 2 hakim məhkəmə iltizamına cəlb edilib. Qısa müddət ərzində Məhkəmə-Hüquq Şurası 6 hakimi işdən uzaqlaşdırıb”.
C.Hüseynov jurnalistlərin hakimlərin fəaliyyəti ilə bağlı narazılıqlarının nəzərə alınaraq hər məhkəmədə hakimlərlə işləmək üçün bir hakim təyin olunduğunu söyləyib:
“Dünyanın hər yerində hakimlər media ilə münasibətlərdə həvəsli deyil. Hakim proses aparır. Prosesə müdaxilə yolverilməzdir. Hakim bu barədə kiməsə məlumat verməyə məcbur deyil və bu onu düşündürmür. Məhkəmə-Hüquq Şurasının ötən iclasında məsələ ciddi müzakirə olundu və hansı tədbirlərin görülməsi zərurəti araşdırıldı. Hakimlər jurnalistlərə operativ məlumat verməkdə çətinlik çəkirlər. Bu da media nümayəndələri arasında narazılıq yardır. Belə qərara gəlindi ki, hər məhkəmədə bir hakim mətbuata cavab versin. Rayonlarda tək hakim var və onun məlumat verməsi məsələsi müzakirə olunur.
Bundan sonra Ağır Cinayətlər Məhkəməsinin sədr müavini Əfqan Hacıyev, Binəqədi Rayon Məhkəməsində Fuad Abdıyev, Xəzər Rayon Məhkəməsində Zeynəb Axundova, Xətaidə Cavid Hüseyn, Qaradağda İslam Həsənov, Nizamidə Babək Qasımov, Nərimanovda Tural Ələkbərov, Nəsimidə Şəlalə Həsənova, Sabunçuda Mehriban Qarayeva, Səbaildə Ülviyyə Şükürova, Abşeronda Zülfüqar Sadıqov, Suraxanıda Ceyhun Qədimov, Sumqayıtda Nəriman Abıyev media ilə işləyəcək”.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu