MSK bu dairələrlə bağlı QƏRAR VERDİ - (YENİLƏNİR)

Mərkəzi Seçki Komissiyasının iclasında 29 saylı Səbail, 21 saylı Nəsimi birinci, 27 saylı Sabunçu ikinci seçki dairəsi üzrə daxil olmuş müraciətlərə baxılıb.

Publika.az xəbər verir ki, bu şikayətlərin bir qismi şikayətvermə müddəti ötdüyü üçün ərizəçilərə geri qaytarılıb, digər qismi araşdırma səlahiyyəti DSK-larda olduğu üçün aidiyyəti üzrə DSK-lara göndərilib.

Bəzi şikayətçilərin şikayətlərini geri götürməsi səbəbindən onların baxılmasına xitam verilib.

***

16:11

Mərkəzi Seçki Komissiyasının (MSK) növbəti iclası başlayıb.

Publika.az-ın xəbərinə görə, komissiya üzvləri 2020-ci ilin fevralın 9-da keçirilən Milli Məclisə seçkilərlə əlaqədar daxil olan daha bir neçə müraciətə baxır.

Məsələ barədə məlumat verən MSK-nın katibi Arifə Muxtarova bildrib ki, 56 saylı Xaçmaz kənd seçki dairəsi üzrə namizəd Zeyqam Hüseynov MSK-ya müvafiq DSK-nın qərarından şikayət edib: “O, 56 saylı seçki dairəsi üzrə 7 saylı məntəqədə nəticələrin ləğvini xahiş edib. DSK qərarında şikayət əsassıs sayılıb. Ərizəçi nəticələri mübahisələndirməyib, yalnız bir məntəqədən şikayət edib. O bildirb ki, bu məntəqədə böyük nüfuz sahibidir və ona verilən səslər daha çox olmalı idi”.

A.Muxtarova bildirib ki, həmin dairədə seçicilərin iradəsinə təsir edəcək hadisə baş verməyib və şikayət təmin olunmamalıdır.

Bununla bağlı müvafiq qərar qəbul olunub.