Cəmil Həsənli Eldəniz Quliyevi təhqir etdi

Milli Şuranın sədri Cəmil Həsənli son günlər qurumun idarə heyətindəki istefalarla bağlı məsələlərdən bəhs edib.

Axar.az xəbər verir ki, C.Həsənli E.Quliyevin MŞ-dan uzaqlaşmasına da aydınlıq gətirib. O yazıb ki, E.Quliyev LGBT-yə qarşı status yazıb və bu status yerli müxalifətçilər tərəfindən xarici dillərə tərcümə edilərək, bəlli ünvanlara çatdırılıb.

Beləliklə, Eldəniz Quliyevin LGBT-yə mənfi münasibətinin bəlli xarici dairələrdə normal qarşılanmaması Milli Şuranı ciddi narahat edib və müzakirə olunub.

C.Həsənli bu müzakirələr haqda yazarkən, E.Quliyevi təhqir etməkdən də çəkinməyib:

“Biz radikal addımlar atmalı oluruq, Eldəniz Quliyev yarızarafat “küncdə” dayanmağa belə razı olsa da, bütün vasitələrlə təşkilatda qalmaq istəsə də, Milli Şuradan çıxarılır, Rafiq bəy istefa verir. Mavr artıq öz işini görmüşdü, amma yenə də getmək istəmirdi. Daha əvvəlki postlarda yazdığım kimi, biz Eldəniz bəyi Milli Şuranın rəhbərliyindən uzaqlaşdırırıq, o, yollarımızın ayrıldığı barədə məlumat paylaşır və sonra da milli-mənəvi, islami dəyərlərə “xəyanət” etdiyinə görə Milli Şurada qala bilmədiyini bəyan edib istefa isterikası yaradır”.

Zəruri olaraq qeyd edək ki, mavr – həşəratdır və rəng dəyişməsi ilə seçilir.