Dünya mediası Ermənistanın əsl simasını görməyə başlayıb - Emin Hüseynov

"Azərbaycan öz ərazilərini işğaldan azad edir".

Bunu Ermənistanın işğal olunmuş ərazilərdəki mədəni abidələrə qarşı vandal münasibətinə etiraz edən I vitse-prezident Mehriban Əliyevanın köməkçisi Emin Hüseynov bildirib.

O, döyüşlərin Azərbaycan ərazisində xarici hərbi qüvvələrə qarşı aparıldığını qeyd edib: “Biz mülki əhali ilə mübarizə aparmırıq. Biz öz torpaqlarımızda başqa millətlərdən olan hərbi qüvvələrlə mübarizə aparırıq. Bu qədər bəsit”.

I vitse-prezidentin köməkçisi həmçinin Ermənistan Xarici İşlər naziri Zöhrab Mnatsakanyanın “Deutche Welle” nəşrinə müsahibəsindən bir hissəni paylaşaraq bildirib ki, artıq dünya mediası Ermənistanın əsl aqressor simasını görməyə başlayıb. Qeyd edək ki, həmin müsahibədə jurnalist Avropa Xarici Əlaqələr Şurasının rəyinə görə Rusiya anlaqsız və kompromisə getməyi bacarmayan Ermənistanı dəstəkləməkdən yorulduğunu qeyd edib, buna Nazirdən münasibət öyrənmək istəyir. Z. Mnatsakanyan isə həmin faktı inkar edərək Rusiya ilə yaxşı əlaqələrinin olmasını iddia edib.