Nida Xəbər

Bu yolda Azərbaycanın sərhəd və gömrük xidmətləri qurulmalıdır, ya da ermənilər... - Vilayət Quliyev

26 Avqust 2021 16:30

Ermənilər yenə şüvən qaldırıblar. Gorus-Qafan yolunun Azərbaycandan keçən hissəsini Ermənistanın suveren ərazisi adlandırırlar. Belə çıxır ki, erməni yolları da eksterritoriallıq hüququna malikdir?

Publika.az xəbər verir ki, bu sözləri Azərbaycanın Macarıstandakı keçmiş səfiri, professor Vilayət Quliyev qeyd edib.

O bildirib ki, həyasızlığın həddi-hüdudu yoxdur: "Beynəlxalq hüquq mütəxəssisi deyiləm. Amma düşünürəm ki, ermənilər "dövlətlərarası yol" dedikləri bu trassanı ya tam şəkildə öz ərazilərindən keçməklə yenidən çəkməli, ya da burada Azərbaycanın sərhəd və gömrük xidmətləri qurulmalıdır. Əks təqdirdə, torpaqlarımızdan keçən yoldan müftə istifadə etmək bir yana qalsın, oranı həm də Ermənistanın suveren ərazisi kimi qələmə verib dünyanı üstümüzə qaldıracaqlar. Necə olur ki, dövlətlər bir-birinin hava məkanından istifadə edəndə də icazə alırlar, amma Azərbaycandan keçən yol ermənilərin suveren ərazisi sayılmalıdır?", - V.Quliyev əlavə edib.