Nida Xəbər

Zakir Həsənov II Fəxri xiyabanı ziyarət etdi - FOTO - (YENİLƏNDİ)

27 Sentyabr 2021 12:07

Vətən müharibəsinin ildönümü münasibətilə sentyabrın 27-də Müdafiə naziri general-polkovnik Zakir Həsənov və nazirliyin rəhbər heyəti Fəxri xiyabanı və İkinci Şəhidlər xiyabanını ziyarət edib.

Publika.az xəbər verir ki, əvvəlcə xalqımızın ümummilli lideri Heydər Əliyevin abidəsi önünə gül dəstələri qoyularaq Ulu Öndərin xatirəsi hörmət və ehtiramla yad edilib.

Sonra Müdafiə Nazirliyinin rəhbərliyi İkinci Şəhidlər xiyabanını ziyarət edib.

Ölkəmizin müstəqilliyi və ərazi bütövlüyünün təmin olunması uğrunda şəhid olan Vətən övladlarının xatirəsi bir dəqiqəlik sükutla yad edilib və ruhlarına dualar oxunub, məzarları ziyarət edilərək üzərlərinə gül dəstələri düzülüb.

xxx

Müdafiə naziri general-polkovnik Zakir Həsənov şəhidləri bir dəqiqəlik sükutla anıb.

Publika.az-ın əməkdaşının verdiyi məlumata görə, əvvəlcə saat 12:00-da axund Hacı Şahin Həsənli şəhidlərin ruhuna dua oxuyub. Sonra Azərbaycan Respublikasının Dövlət Himni səsləndirilib. Ardınca üç dəfə yayılım atəşi açılıb.

xxx

11:25

Azərbaycanın müdafiə naziri general-polkovnik Zakir Həsənov, Müdafiə Nazirliyinin rəhbərliyi İkinci Fəxri xiyabanı ziyarət edib.

Publika.az xəbər verir ki, Azərbaycanın suverenliyinin, müstəqilliyinin qorunması və ərazi bütövlüyünün bərpası uğrunda şəhid olan qəhrəman Vətən övladlarının xatirəsi ehtiramla yad edilib, məzarları üzərinə gül dəstələri qoyulub.

Nazir qazilər və şəhid ailələri, eləcə də Milli Qəhrəman İlqar Mirzəyevin anası ilə görüşüb.

Tural Turan