Tahir Kərimli: “İlham Əliyevin alternativi yoxdur”

“Vəhdət Partiyası adından cənab Prezidenti 60 illik yubileyi münasibətilə təbrik edirəm. Burada çox qiymətli fikirlər səsləndirildi. Bu çıxışların hamısına qoşuluram”.

Publika.az xəbər verir ki, bunu Milli Məclisdə çıxışı zamanı deputat Tahir Kərimli deyib.

O bildirib ki, İlham Əliyevin sosial, iqtisadi, mədəni istiqamətlərdə gördüyü böyük işlər haqqında deyilən fikirlər həqiqətdir: “Mən burada diqqəti Prezidentin fəaliyyəti zamanı ən böyük zirvə olan II Qarabağ müharibəsinə gətirmək istərdim. O, nəinki Ermənistan və onun arxasında duran ölkələri məğlub edib, eyni zamanda qədim tarixə malik olan ermənizmi məğlubiyyətə uğradıb. Bu, çox böyük hadisədir və daima tariximizdə qalacaq. Məlumdur ki, türk və İslam dünyası daima kiçilib, siyasi baxımdan təsirləri azalıb: “Cənab Prezident tarixin bu təkərini geriyə döndərməyi bacaran yeganə şəxsdir. Cənab Prezident, sizin çoxlu mükafatlarınız var. Amma ən böyük mükafatınız Qarabağ və xalqın sizə inamıdır. Sizin alternativiniz yoxdur. Şəxsən mən bunu görmürəm”.

Tahir Kərimli qeyd edib ki, Azərbaycan Prezidentini birmənalı dəstəkləyir.