Nida Xəbər
Gəncəyə növbəti raket hücumunun ildönümüdür
Azərbaycan 2020-ci ildə apardığı 44 günlük Vətən müharibəsi zamanı beynəlxalq humanitar hüququn norma və qaydalarına ciddi şəkildə əməl etdi.
Publika.az xəbər verir ki, Azərbaycan Ermənistanın mülki infrastrukturunu, yaşayış binalarını, həmçinin digər sosial obyektləri hədəfə almadı. Qarşı tərəf, yəni Ermənistan isə bunun tam əksini nümayiş etdirdi. Rəsmi İrəvan Azərbaycanı haqlı davasından çəkindirmək üçün dinc insanların yaşadıqları Tərtər, Bərdə və Gəncə şəhərlərini aramsız artilleriya atəşinə məruz qoydu.
Bu hücumlar əsasən oktyabr ayında gerçəkləşdirildi. Azərbaycanın ikinci böyük şəhəri, elm, təhsil və mədəniyyət yurdu qədim Gəncədə bu raket atəşləri böyük fəsadlar törətdi.
Bu gün, oktyabrın 8-i Nizami yurduna Ermənistanın növbəti raket hücumunun ildönümüdür. Xoşbəxtlikdən 8 oktyabr hücumunda həlak olan və yaralanan olmayıb.
Ancaq digər raket hücumları ilə bağlı bunu demək mümkün deyil. Belə ki, oktyabrın 4-də edilən hücumda 1 mülki şəxs şəhid olub, 30-dan çox mülki şəxs yaralanıb.
Bundan bir gün sonra, oktyabrın 5-də gerçəkləşdiirlən hücum zamanı 3 mülki şəxs yaralanıb.
Oktyabrın 11-də 10 mülki şəxs şəhid olub, 40-dan çox insan yaralanıb.
Ən böyük hücum isə oktyabrın 17-də baş tutub. Bu zaman 16 nəfər şəhid olub, 55 nəfər yaralanıb.
Bu hücumlar zamanı şəhərin infrastrukturuna, yaşayış binaları da daxil olmaqla digər binalara, şəxsi minik avtomobillərinə böyük ziyan dəyib.
Növbəti Gəncə terrorunun baş verməsinin ikinci ildönümündə bu terrora qurban gedən soydaşlarımızın əziz xatirəsini sayğı ilə yad edirik. Ruhları şad olsun!
Səxavət Həmid
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR