İqtisadi sanksiyadan Qarabağa qədər... – Fransa Azərbaycana qarşı nə planlaşdırır?

Azərbaycana qarşı Fransa Senatında müzakirəyə çıxarılacaq qətnamə layihəsi hazırlanıb.

Publika.az xəbər verir ki, 4 müxtəlif partiyadan 6 senatorun hazırladığı qətnamədə Azərbaycan “insan haqlarının pozulması və hərbi cinayətlərdə” ittiham edilir.

Bununla yanaşı, qətnaməyə Azərbaycana qarşı iqtisadi sanksiyaların tətbiqi, Ermənistanın müdafiəsinin gücləndirilməsi kimi təkliflər də daxildir.

Qətnamə Avropa İttifaqı ölkələrinə Azərbaycandan neft və qazın idxalından imtina ilə bağlı çağırışları da özündə ehtiva edir. Həmçinin, Qarabağa ermənilərin qayıdış hüququ, işğaldan azad edilmiş ərazilərdə “erməni mədəni irsinin qorunması” kimi məsələlər daxildir.

Noyabrın 15-də Senatda müzakirəyə çıxarılacaq qətnamənin qəbul edilməsi ehtimalı böyükdür:

Birincisi, Fransanın Azərbaycana qarşı mövcud siyasəti, xüsusilə sərhəddə son toqquşmalardan sonra Paris-Bakı xəttində baş verənlər bu gözləntini artırır;

İkincisi, qətnamənin müəllifləri arasında Senatda əksər çoxluğa malik Sosialist Partiyasını təmsil edir və bu, səsvermədə həlledici ola bilər.

Asif