Ruslar üçün cəlbedici bilet - Lənkərana

Qışın ilk ayında rus turistlər üçün Moskvadan Belarusa getmək daha sərfəlidir. Qiymət baxımından ən cəlbedici təklifləri “OneTwoTrip” səyahət planlaşdırma xidmətinin mütəxəssisləri açıqlayıblar.

Publika.az xəbər verir ki, araşdırmanın nəticələrini TASS dərc edib.

Dekabrda Rusiyadan Minskə uçuşla xaricə ən ucuz aviabiletin orta qiyməti adambaşına 7,7 min rubl təşkil edir. İkinci sırada İrəvana uçuş dayanır – qiymət 13,3 mindən başlayır. Oşa (Qırğızıstan) bir az daha baha olacaq – 14 min rubldan. Bişkek və Lənkərana (Azərbaycan) uçuşlar müvafiq olaraq 14,8 və 14,9 min rubla başa gələcək.

Ermənistanın ikinci ən böyük şəhəri olan Gümrüyə səyahət daha baha olacaq – ilin sonuna qədər orta hesabla 15,4 min rubla, Xucanda (Tacikistan) – 16,2 min rubla, Gəncəyə (Azərbaycan) 16,5 min rubla səyahət sənədləri ala bilərsiniz. Həmçinin, dekabrda ruslar üçün ən sərfəli istiqamətlərin ilk onluğuna Tamçı (Qırğızıstan – 16,7 min rubl) və Bakı (Azərbaycan – 16,8 min rubl) daxil olub.

Bundan əvvəl turizm sənayesi ekspertləri dekabr ayında səfərlər üçün yerli turistlər arasında Rusiyanın ən populyar şəhərlərinin adlarını açıqlamışdılar. Bunlar Moskva və Sankt-Peterburq idi. Xarici istiqamətlər arasında Türkiyə, Özbəkistan və Tailand lider olub.

Səxavət