Azərbaycan səfirliyinə hücuma görə günahkar olan şəxslər... - Rəsmi Moskva

Rusiya Xarici İşlər Nazirliyi (XİN) Azərbaycanın İrandakı səfirliyinə hücumla bağlı başsağlığı verib.

Publika.az TASS-a istinadla xəbər verir ki, bu barədə nazirliyin cümə günü dərc olunmuş məlumatında deyilir.

“Azərbaycanın İrandakı səfirliyinə hücumla əlaqədar Azərbaycan tərəfinə dərin hüznlə başsağlığı veririk. Daxil olan məlumata görə, bu gün səhər saatlarında avtomatla silahlanmış şəxs diplomatik nümayəndəliyin binasına daxil olaraq atəş açıb. Nəticədə Azərbaycan diplomatik missiyasının bir əməkdaşı həlak olub, onun daha iki həmkarı yaralanıb. Hücum edən şəxs Tehran polisi tərəfindən saxlanılıb, araşdırma aparılır”, - məlumatda deyilir.

“Rusiya Federasiyası Azərbaycanın Tehrandakı səfirliyinə edilən hücuma görə günahkarların məsuliyyətə cəlb ediləcəyini gözləyir”, - nazirlikdən bildiriblər.

Rusiya XİN xatırladıb ki, baş verən hadisə 18 aprel 1961-ci il tarixli Diplomatik Münasibətlər haqqında Vyana Konvensiyasına uyğun olaraq, diplomatik nümayəndəliklərin yerləşdiyi dövlətin hakimiyyət orqanları tərəfindən təhlükəsiz fəaliyyətinin təmin edilməsinin vacibliyini bir daha təsdiqləyir.

Akqabay