Nida Xəbər
İran mediası din pərdəsi altında nə edir?
“Azərbaycanın xüsusi xidmət orqanları tərəfindən son günlər İranın casus şəbəkəsinə qarşı keçirdiyi geniş əməliyyat tədbirlərinin nə dinlə, nə də ki məzhəblə heç bir bağlılığı yoxdur. Burada məqsəd Azərbaycanın milli maraq və təhlükəsizliyinə yönəlmiş fəaliyyəti və ictimai-siyasi sabitliyin güc yolu ilə pozulmasının qarşısını almaqdır”.
Bu sözləri Publika.az-a açıqlamasında politoloq Amid Əliyev deyib.
Onun sözlərinə görə, hər bir müstəqil dövlət kimi Azərbaycan da öz milli təhlükəsizliyini təmin etmək üçün ölkə ərazisində təxribat, terror və ya kəşfiyyat fəaliyyəti göstərən qrupların zərərsizləşdirilməsi işini icra edir.
“Bu fəaliyyəti dini görüşlərlə pərdələmək yalnız və yalnız ictimaiyyətin fikrini çaşdırmaqdır. İranın ikiüzlü media orqanları tərəfindən bu fikirlərin dəstəklənməsi heç təsadüfi deyildir. Çünki həbs olunan şəxslərin hamısı İranın xüsusi xidmət orqanları tərəfindən təlimat alaraq, Azərbaycanda qarşıdurma yaratmaq istəyən dairələrin və qrupların aktiv üzvləridir. İranın siyasi hakimiyyəti son 30 il ərzində Azərbaycanda yaratmış olduğu zərərli proksilərinin və dayaqlarının ard-arda sıradan çıxdığını gördükcə, belə bəyanatlar verməyə məcbur olur”.
Politoloq bildirib ki, anti-terror tədbirləri İranın Azərbaycanın daxilinə sirayət etməsinə və daxili işlərinə qarışmasına sədd çəkir:
“Bu, eyni zamanda Azərbaycanda İranın maraqlarına xidmət edə biləcək potensial qüvvələrin də gələcək planlarını tamamilə alt-üst edir. Belə olan halda İran KİV-i Azərbaycana qarşı məhz dini yönümdə hücumları artırmaq qərarına gəliblər. İran, əsasən özünün çirkin din siyasəti altında Azərbaycanda qarşıdurma yaratmaqda maraqlı olub və bu illər ərzində Azərbaycanın müxtəlif bölgələrində və məscidlərdə İran ruhunda yetişmiş insanları yerləşdirə bilib”.
A.Əliyevin fikrincə, Azərbaycan dövləti geniş miqyasda bu təbəqəyə qarşı real faktlar əsasında hüquqi tədbirlər həyata keçirir. Azərbaycanın bundan sonra da milli təhlükəsizliyinə və maraqlarına, eləcə də ictimai-siyasi sabitliyinin pozulmasına yönəlmiş hər bir xarici və daxili qüvvələrin fəaliyyəti vaxtında və zamanında zərərsizləşdiriləcək:
“Bu tədbirlərin isə dinlə əlaqəsi yoxdur. Azərbaycanda bütün dinlərin nümayəndələri öz dini ayinlərini sərbəst şəkildə icra və istənilən məzhəbə sitayiş etməkdə tam müstəqildirlər. İrandan fərqli olaraq Azərbaycan multikultural ölkədir, dinlərarası qarşılıqlı hörmət atmosferi formalaşıb və dini qaydalar məcburi xarakter daşımır”.
Aydan Beydullayeva
-
Qoroskop00:20
Günün qoroskopu: ünvanınıza çox tənqid səslənəcək...
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri
-
Magazin16 May 20:36
"Həcim olsaydı, dərdim nə idi?" - Müğənnidən qalmaqallı açıqlama - VİDEO