Nida Xəbər

Ermənilər Qazaxın kəndində müharibəyə hazırlaşır - Silahlanma başladı

19 Mart 2024 13:10

Ermənistanın baş naziri Nikol Paşinyan Qazaxın Əskipara kəndində məskunlaşan ermənilərlə görüşündə Azərbaycana məxsus olan kəndlərin qaytarılacağını deyib və bu ssenariyə hazırlaşmaq tapşırığı verib. Kənddə məskunlaşan ermənilər isə bununla razılaşmır, onlar hətta döyüşəcəklərini bildirirlər.

Publika.az xəbər verir ki, Ermənistan mediası ermənilərin Paşinyanla görüşdən sonra silahlanmağa başladığını yazır.

Kənddə yaşayan ermənilər silaha sarılacaqlarını bildirirlər.

“Buradan çıxmayacağıq, ya öləcəyik, ya yaşayacağıq. Kənddə hər kəs belə düşünür. Sona qədər döyüşəcəyik”, - ermənilər bildirib.

“Pastinfo” yazır ki, erməni əhalisi Paşinyanla görüşdən narazı qalıb.

“Orada məskunlaşan ermənilərin əksəriyyəti görüşə gəlməyiblər, çünki nə deyiləcəyini bilirdilər. Kənddə əhval-ruhiyyə yoxdur, getmək istəmirlər, silahlanaraq, döyüşəcəklərini, çıxmayacaqlarını deyirlər”, - sayt yazır.

Asif