Nida Xəbər

Qazaxıstan qəza ilə bağlı bu açıqlamasından imtina etdi - SON DƏQİQƏ

27 Dekabr 2024 16:13

Qazaxıstan təyyarə qəzasından sağ çıxan stüardla müsahibədən sonra salonda oksigen balonunun partlaması ilə bağlı bəyanatına düzəliş edib.

Publika.az Axar.az-a istinadən xəbər verir ki, bu barədə Qazaxıstanın Nəqliyyat Nazirliyi məlumat yayıb.

Nazirlik Aktau yaxınlığında qəzaya uğrayan AZAL təyyarəsində oksigen balonunun partlaması barədə məlumatı Rostovun uçuş rəhbərindən aldığını açıqlayıb.

Qeyd edilib ki, nazir brifinqdə Rostovun məlumatları əsasında hadisələrin xronologiyasını səsləndirib, istintaqın qənaətini yox.

Xatırladaq ki, Qazaxıstanın nəqliyyat naziri Marat Karabayev bu barədə ötən gün danışmışdı. O bildirmişdi ki, saat 10:53-də Rostov reysinin direktoru Aktau qülləsinin uçuş direktoruna təyyarənin sərnişin kabinəsində oksigen balonunun partlaması, sərnişinlərin huşunu itirməsi barədə əlavə məlumat verib.

Halbuki təyyarə qəzaya uğrayana qədər heç kimin huşunu itirmədiyi salondan çəkilən videolardan da aydın olur.