Qrenlandiya uğrunda SAVAŞ BÖYÜYÜR - ABŞ "ürəyindən" VURULA BİLƏR

Tramp administrasiyasının Qrenlandiyanı ilhaq etməyə cəhd göstərəcəyi təqdirdə Avropa İttifaqı Amerika texnologiya nəhənglərinə qarşı cavab sanksiyaları planı hazırlayır.

Publika.az xəbər verir ki, bu barədə Britaniyanın "The Sunday Telegraph" qəzeti mənbələrə istinadla yazır.

Planlara görə, məhdudiyyətlər "Meta", "Google" və "Microsoft" şirkətlərini hədəf ala bilər. "X" sosial şəbəkəsinə, Amerika banklarına və maliyyə qurumlarına qarşı tədbirlər də nəzərdən keçirilir. Son çarə olaraq, AB ölkələrindəki Amerika hərbi bazalarının bağlanması müzakirə olunur.

Yanvar ayında ABŞ Prezidenti bir daha açıq şəkildə Qrenlandiya üzərində nəzarəti ələ keçirmək niyyətini bildirib. O, Vaşinqtonun "istəsə də, istəməsə də" hərəkət edəcəyini və məqsədinə "yaxşı və ya pis yolla" çatmağa hazır olduğunu bildirib. O, adaya nəzarəti milli təhlükəsizlik məsələsi kimi təsvir edib və Qrenlandiyanın Rusiya və ya Çin tərəfindən mümkün işğalının qarşısını almağın vacibliyini bildirib.

Hüseyn İbadlı