Nida Xəbər

Belçikanın sabiq Baş naziri Aİ-nin Azərbaycana qarşı ikili yanaşmasını kəskin tənqid etdi

15 Mart 2026 10:41

Azərbaycanın son 20 ildə nümayiş etdirdiyi inkişaf yolu heyranedicidir və Avropa İttifaqı bu dövlətlə dialoq qurmaq üçün onun diqqətinə layiq olduğunu sübut etməlidir.

Publika.az Teleqraf-a istinadən xəbər verir ki, bu barədə Belçikanın sabiq Baş naziri Yves Leterm Qlobal Bakı Forumunun əlavə sessiyasında bildirib.

Sabiq hökumət başçısı Avropanın Azərbaycana qarşı ikili yanaşmasını kəskin tənqid edib.

O bildirib ki, bir tərəfdən ölkənin daxili işlərinə qarışan qətnamələr qəbul etmək, digər tərəfdən isə enerji təminatı üçün yardım istəmək qəbulolunmazdır:

“Avropa vətəndaşı kimi utanc duyuram ki, biz illərdir Azərbaycana daxili məsələlərdə “dərs keçməyə” çalışırıq, növbəti gün isə qaz həcmlərini artırmağı xahiş edirik. Bu “müəllimlik” ambisiyası maraqların dəyərləri üstələdiyi müasir dünyada artıq işləmir və gələcək danışıqlar üçün qapıları bağlayır”.