Digər
“Nüşabədən ötrü o oğlan nələr elədi…“
Müğənni Nüşabə Ələsgərlininn bacısı Afaq xanım onun həm böyük bacısı, həm də öz dili ilə desək, prodüseridir. Nüşabənin həyatı onun gözü önündə keçib. Publika.Az-a görün nələr danışdı...
- Oxumağa 5 yaşından başladı. Hələ səlis danışa bilmirdi, çıxırdı
daşın üstünə, Zeynəb Xanlarovanın repertuarından oxuyurdu, deyirdi
mən “Neyzab olacam…” Qonşularda ona pərəstiş edirdilər. Mütləq
əyninə nəsə geniş paltar tapıb geyinirdi…
Uşaq yaşlarında Aşıq Şəmşirin yubileyində iştirak etmişdi. Cürə
sazında çalmışdı. Ona böyük saz da hədiyyə etmişdilər. Nüşabə körpə
yaşında bütöv Dağıstanı gəzmişdi. Atam dəlicəsinə istəyirdi ki, o,
saz çalan olsun. Müğənni olmağına isə razı deyildi. Atamla
Dağıstanın hətta insan ayağı dəyməyən məkanlarında gəzib toylarda
olurdular.
“Anam işığı söndürürdü, oxuma…”
Erkən yaşlarında qərar verdi ki, saz çalan olmayacaq. Atam ona
piano aldı. Piano məktəbini bitirdi, dedilər bəsdi, musiqi ilə
artıq işin yoxdur, ciddi sahədə çalış. Nüşabə musiqi
konservatoriyasına qəbul olunmaq istəyirdi, anam istehza ilə dedi,
hə, Üzeyir Hacıbəyov da oturub gözləyir ki, sən, ora gələsən.
Düz 11 imtahan verdi. Anam işığı söndürürdü ki, oxuma, ora daxil
olan deyilsən. Amma Nüşabə ən çətin fakültəyə- dirijorluğa daxil
oldu.
“Nüşabədən ayrılandan sonra çox gec evləndi”
Sonra atam rəhmətə getdi, Nüşabə də nişanlandı. Oğlan onu çox
sevirdi. Çox gözəl ailənin oğlu idi. Dövrünün Məcnunu idi.
Nüşabədən ayrılandan sonra çox gec evləndi. Bacım oxumaq üçün ondan
ayrıldı.
Baxmayaraq ki, nişanlısı onun müğənni olmasına razılıq vermişdi.
Nüşabə deyirdi, bu, müvəqqətidir, o məni oxumağa qoymayacaq.
Ayrılandan sonra oğlan iki dəfə maşınını əzdi, qəzaya düşdü, atası
dedi oğlumu belə görə bilmirəm, bəlkə uşaqları qovuşduraq?
Nüşabə özünü zəhərləməyə də cəhd göstərdi, dedi, məni o oğlana ərə
versəniz özümü öldürəcəm, axı onu sevmirəm! 18 yaşı vardı, atamın
xətrinə ərə getməyə razılıq vermişdi, sonra fikrini dəyişdi.
Oğlan özünü o qədər öldürürdü ki, bir müddət sonra müvəqqəti
barışdılar. Hətta qayınatası deyirdi, yekə oğlansan, adam qadından
ötrü özünü öldürər?.. Nüşabə bir müddət sonra onu dilə tutub şirin
dillə ayrıldı. Oğlan Rusiyaya getdi, qayıdanda artıq bacım ailə
qurmuşdu. O da başqasını sevdi.
“Nüşabədən çoxları istifadə ediblər”
Mən diplom müdafiəsindən sonra “Azərbaycanfilm”ə işə gəldim. Bacim
da o vaxt yavaş-yavaş məşhurlaşırdı. Elə məqamda gəldim ki, onu
klip çəkilişlərinə cəlb etdim. Peşəkar heyət yığdım. Kino mühəndisi
idim, rejissordan tutmuş ta fotoqrafa kimi kinostudiyadan işçilər
cəlb etdim. 1994-də Nüşabə artıq klip çəkdirməyə başladı.
Nüşabənin belə şən görünməyinə baxmayın, insan talelərinə çox
həssasdır. Çox yardımsevərdir, etdiklərini mətbuatdan gizlətməyə
çalışır. Biz zahirən fərqiyik, məni tanımayanlar dəfələrlə yanımda
danışıblar, həmişə onun haqqında yaxşı sözlər eşitmişəm.
Çox köməksizlərə əl tutub. Mənim ona ehtiyacım olub, pul
istməmişəm. Lakin Nüşabədən çoxları istifadə ediblər. Seçimdə
qalanda mənə yox, köməksizə yardım edib.
“Zorla ona “Folkswagen” hədiyyə etdilər”
Həmişə maraqlı fikirləri olur. Ən yadımda qalan sözü budur: “Məni
həyatda heç nə təəccübləndirməz. Hər şey görmüşəm, ev, malikanə,
şöhrət, xəyanət, pislik… Hətta təyyarə belə hədiyyə versələr, adi
təsir bağışlayar. Məni yalnız gözləmədiyim qeyri-adi zəng sevindirə
bilər”.
16 yaşı vardı, bir dəfə onu Rəşid Behbudov teatrının heyəti ilə
birlikdə Almaniyanın bir şəhərinə qastrola yolladılar. Ona nələr
hədiyyə etmişdilər… Sovet dövründə KQB sistemi idi, nə hədiyyə
edirdilərsə, deyirdilər, qəbul etməyin, deyin, hər şeyimiz var.
O vaxt zorla ona kiçik “Folksvagen” hədiyyə etdilər, dedilər,
müqavilə bağlayaq, burada xor dirijoru kimi qalıb işləyin. Nüşabə
sovet təkidi bir yana qalsın, gözü tox olduğundan imtina etdi.
Lakin özü ilə bir sıra hədiyyələr gətirmişdi. İlk dəfə
videomaqnitofonu məhz o özü ilə Azərbaycana gətirmişdi.
“Nüşabənin gördüklərini çox müğənnilər hələ görməyib”
Nüşabə çox şeylərin ilkinə imza atıb. Hələ uşaq vaxtlarından
beynəlxalq uşaq düşərgəsinə yollanmışdı. Dünya xalqlarının ən yaxşı
oxuyanları bu düşərgədə iştirak edirdi. Beşinci sinifdə evimizə
dünyanın bütün bölgələrindən məktublar gəlirdi, SSRİ ölkələrinin
uşaqları ilə rus dilində özümüz yazırdıq, ingilis dilində isə
yazmaq üçün müəllim tapmışdıq.
Beşinci sinifdən beynəlxalq tədbirlərdə iştirak edirdi. Nüşabə
haqqında toy müğənnisi deyəndə mən çox hirslənirəm, çünki onun
həyatını mən bilirəm. Nüşabənin gördüklərini çox müğənnilər hələ
görməyib, olimpiadalarda bütün fənlər üzrə uğurlu nailiyyətləri
olurdu.
O vaxtlar “Artek” pioner düşərgəsinə getmək neçə insansiyadan
keçmək lazım idi. İndinin özündə ona coğrafiyadan riyaziyyatdan
sual verin, görün necə cavab verəcək. Bacımı araşdırmaq
lazımdır…
“Çox gözəl xasiyyəti var, dözülməzdir”
Nüşabənin prodüseri mən olmuşam. İşimi atıb onunla məşğul oldum.
Lakin bu insanda paxıllıq deyilən hiss yoxdur ki, rəqabətə
qoşulsun. O vaxt rejissor Rahim Sadıqbəyli ilə işləyirdik.
Pavilyona qədər hamısını qurmuşduq. Azərbaycanda klipi ilk dəfə
məhz o çəkdirib.
Düzdür, indi çoxları sinəsinə döyür, lakin araşdırın, yeniliklərin
çoxu bacımın adı ilə bağlıdır. Nüşabə illər öncəsi jurnal təsisçisi
olub, redaktorluq edib. İlk dəfə kosmetika firmasına sahiblik
edib.
Nüşabəyə toy müğənnisi deyəndə bir şeyə görə rahatdır. Deyir, çox
sağ olsun xalq ki, məni sevib toyuna dəvət edir.
“Uşaqlarına görə ailəsindən danışmaq istəmir”
Nüşabə ikinci dəfə ailə qurub, lakin uşaqlarına görə, ailəsi barədə
danışmaq istəmir. Çox yaxşı övladdır, bacıdır, mənə və qalan ailə
üzvlərinə kömək edir. Müğənni olsa da, uşaqlarına çox vaxt ayırır,
dərsə belə özü aparıb-gətirir.
Lalə Yusifqızı
Publika.Az
-
Sosial15:10
Cavanşir Məmmədovun dəfn yeri açıqlandı
-
Hadisə14:20
Azərbaycanlı iş adamı öldürüldü
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO