Qarabağ

Volkovla bağlı sərəncam ola bilər - Onun dəyişməsi Azərbaycana lazımdır?

13 Dekabr 2022 11:55

“Son zamanlar Ermənistanın anti-Azərbaycan təbliğatı şiddətlənib. Əslində bu təbliğat heç vaxt səngiməyib. Ermənistanın baş naziri Nikol Paşinyan dünən bir sıra bəyanatlarla çıxış edib. O, çıxışı zamanı bildirib ki, “şiddət ritorikasını azaltmaq lazımdır”. Görünən odur ki, onlar yenə də öz ənənələrini, xüsusiyyətlərini qaldığı yerdən davam edir və edəcəklər. Nə qədər ki, mövcud olan bu müəmmalı vəziyyət var , regionda gərginlik bitməyəcək. Bu gərginliyi kökündən həll etmək üçün əlimizdən gələni etməliyik”.

Bu sözləri Publika.az- açıqlamasında politoloq İlqar Vəlizadə deyib

İ. Vəlizadə hesab edir ki, Rusiya tərəfi müəyyən addımlar atmalı olacaq.

“Düşünürəm ki, etirazlar təsirsiz ötüşməyəcək. Volkovla bağlı sərəncam ola bilər. Amma bizə Volkovun əvəz edilməsi deyil, vəziyyətin köklü şəkildə dəyişməsi lazımdır. Ona görə də biz digər diplomatik, siyasi və hərbi vasitələri işə salmalı olacağıq”.

Ayşən Rəhim