Qarabağ

Əliyev Xankəndini və anklavları tələb edir – Oskanyan masadakı gündəliyi açıqladı

24 Fevral 2023 17:10

“Bu gün danışıqların gündəliyini Azərbaycan diktə edir. Danışıqlar masasında bir neçə əsas məsələ var: Qarabağ Azərbaycanın tərkib hissəsidir, Zəngəzur dəhlizi, sərhədin demarkasiyası və anklavlar. Bunlar Azərbaycanın gündəmidir, danışıqlarda Ermənistanın gündəmi yoxdur”.

Publika.az xəbər verir ki, bu barədə Ermənistanın keçmiş xarici işlər naziri Vardan Oskanyan deyib.

Oskanyan Ermənistan hakimiyyətinə təklif edir ki, Azərbaycanın gündəliyinə alternativ yaradılsın.

Onun təklifinə görə, Qarabağın qondarma “statusu” iddiası, “erməni əsirlər”, Şuşa və Hadrut məsələsi gündəmə gətirilsin.

“Gündəliyin məsələləri genişləndirilməlidir ki, manevr imkanları yaransın. Hakimiyyət bunu etmir, yaxud edə bilmir. Bu halda hər şey İlham Əliyevin diktəsi ilə həyata keçirilir”, - Oskanyan bildirib.

Asif