Qarabağ

Ermənistan delimitasiya layihəsini Azərbaycana təqdim etdi

1 Mart 2023 17:52

Ermənistan delimitasiya komissiyalarının işi haqqında əsasnamə layihəsini Azərbaycana təqdim edib.

Publika.az xəbər verir ki, bu barədə məlumatı “Sputnik Armenia”ya yayıb. Bildirilir ki, bunu hökumətin iclasında baş nazir Nikol Paşinyan deyib.

O bildirib ki, əsasnamə layihəsi bu yaxınlarda Azərbaycana təqdim olunub: “Biz bu sənədə cavab gözləyirik”.

Hökumət başçısının sözlərinə görə, Ermənistan və Azərbaycan arasında sülh müaqaviləsinin imzalanması üzrə işin 3 mərhələsi artıq geridə qalıb: “Onu da deyim ki, təkliflərin mübadiləsi istiqamətində işlər həmişə üzbəüz görüşlər tələb etmir”.

Xatırladaq ki, N.Paşinyan fevralın 16-da hökumətin iclasında bəyan etmişdi ki, İrəvan öz təkliflərini Azərbaycan tərəfinə çatdırıb. O söyləmişdi ki, Bakı ilə sülh müqaviləsi üzrə işin növbəti mərhələsini başa çatdırıb.