Uşaqlara qarşı zorakılığın əleyhinəyik – UNICEF

Uşaq müəssisəsindəki son hadisədən narahat olan UNIICEF müəssisələrdə və məktəblərdə uşaqlara qarşı istənilən növ zorakılığın “qəti əleyhinə olduğunu” bildirir. Bu barədə UNICEF-in Azərbaycandakı nümayəndəliyindən Publika.az-ın sorğusuna cavabda bildirilib.

Məlumatda bildirilib ki, UNICEF fərdi halları araşdırmır. Təşkilat hökumətlə birgə işləyir ki, hər bir uşaq istər evdə, istərsə icma daxili zorakılıq qorxusundan azad bir mühitdə böyüyə bilsin:

“UNICEF-in qlobal araşdırmalarına görə müəssisələrdə yaşayan uşaqlara qarşı zorakılıq halları Avropa və Mərkəzi Asiyada müşahidə olunur. Uşaq evlərindən təcridxanalara qədər – müəssisələrdə yaşayan uşaqlar ən həssas qurpdur, çünki onlar cəmiyyətdən təcrid olunaraq qapalı mühitə məruz qalmışlar. Bu mühit nə qədər qapalı olarsa, zorakılıq riski bir o qədər yüksək və onun gündəmə gətirilməsi şansı bir o qədər az olacaq. Bizim, hökumətlə çoxlu sayda yatılı uşaq müəssisələrinin bağlanılması istiqamətində birgə əməkdaşlığın böyük bir səbəbi də elə bundan ibarətdir. Biz bu hadisədən istifadə edərək bir daha de-institutlaşdırmanı cəmiyyətin gündəliyində mümkün olduğu qədər aktuallaşdırmaq istərdik,” deyə cavabda bildirilir.

Gülxar